AURKIBIDEA

SARRERA

1. LANA:

ESKOLEN ARTEKO KONPARAKETA, IKT-AK (POWER POINT)
ESKOLEN ARTEKO KONPARAKETA, IKT-AK (LANA)

2. LANA:

EGUNKARIRAKO ARTIKULUA: BERROBI EREDUGARRI
ESKOLA TXIKIAK (POWER POINT)
BERROBIKO ESKOLA (POWER POINT)
ESKOLA TXIKIAK, BERROBIKO ESKOLA (LANA)
ARBELA DIGITALARI BURUZKO INFORMAZIOA

EGUNEROKOA

AZKEN HAUSNARKETA

MAPA KONTZEPTUALA

Mapa kontzeptuala

Check out this SlideShare Presentation:

Mapa kontzeptuala

View more documents from IGARZON002.

AZKEN HAUSNARKETA

Gu ez geunden batere jantziak teknologia berrien kontuan ikasgai honekin hasi ginenean. Guretzat dena berria izan zen, eta egia esan behar badugu, hasiera ez zen batere erraza izan. Power-point txukun bat egitea, blog bat sortzea, blog horretan lanak txertatzea… hori guztia egin ahal izateko denbora asko eskaini behar izan genion ikasgai honi, ez baikenekien nola egiten ziren honelako gauzak. Orain badakigu, ordea, ez zela denbora galdua izan. Zerotik hasiez gero, gure aurrerapenak ikustea ez zaigu zaila egin.

Bereziki Berrobiko eskolan izandako esperientziaren ondoren, gure aurreiritziak asko aldatu dira. Biak nahiko ezkor agertzen ginen teknologia berrien erabilerari dagokionez, haur hezkuntzako etapan bereziki. Gure ustez, teknologia berriekin ez zen haurren irudimena eta sormena bereziki bultzatzen eta bide hauek oztopatuak geratzeko arriskuan ere egongo lirateke, nolabait. Hitz gutxitan esanda, haurren hezkuntzarako ez genuen beharrezkoa ikusten teknologia berrien erabilpena. Teknologia berriak eta esperimentazioa, adibidez, kontraesanean zeuden kontzeptuak zirela iruditzen zitzaigun. Gaur egun, ordea, oso bestelako irudipena daukagu bizitutako esperientziarengatik. Gaur egungo aro digital honetan haurrak barneratzea beharrezkoa dela konturatu gara, etorkizunean teknologia horien erabiltzaile izango diren heinean (ez daitezela ikusi gu biak ikusi garen moduan, guztiz galduak). Berrobiko eskolan ikusi ditugun haurrek teknologia berriak eta motibazioa, elkar lana, sormena, irudimena, esperimentazioa… batera joan daitezkeela irakatsi digute.

Beraz, irakasle izango garen heinean, teknologia berriak menderatzeko ahalegina egin beharko dugu horretarako beharrezko formazioa jasoz. Gaur egun beharrezko kontua dela ikusi ahal izan dugu eta ezin gara atzean geratu. Gure kasuan bidea hasi besterik ez da egin, baina esaerak esaten duen moduan, helburua hona bada inoiz ez da berandu.

2010-06-01

Bukatu dugu azkenean eskola txikien eta Berrobiko eskolari buruzko lana. Hau osatzeko, bideo pare bat ere sortu ditugu, gure elkarrikertuzeko orrian ikus daitezkeenak:

http://elkarrikertuz.ning.com/profile/itsasogarzonmendizabal
http://elkarrikertuz.ning.com/profile/maDDi

2010-05-27

Gaur Berrobiko eskolara bueltatu gara. Beraiekin hitz ordua zehaztu ondoren, han elkartu gara aurreko eguneko irakasle talde berdinarekin. Elkarrizketa bat egin diegu eta ondoren argazki mordoa ateratzeko aukera izan dugu. Arreta handiz hartu gaituzte eta eskerrak eman beharrean aurkitzen gara. Gaur, zuzenean ikusi ahal izan ditugu haurrak teknologia berrien erabilpenarekin. Gure aldean, oso habil ikusi ditugu; kontu honetan beraien bilakatu dira gure irakasle.

2010-05-21

Gure lanaren inguruko artikulua egin dugu egunkarirako. Hemen zintzilikatu dugu “Berrobi eredugarri” izenburuarekin.

2010-05-14

Gaur Berrobiko eskolara joan gara. Gure lanaren nondik norakoak azaldu dizkiegu hango irakasle talde bati eta laguntzeko prest agertu dira. Gaurkoa bisita motza izan da, eta beste egun baterako geratu gara lana aurrera eramateko. Ordurako gure lanaren haria ondo zehaztu beharko dugu.

2010-05-11

Gaur izan dugu lehen lanaren aurkezpena irakaslearekin. Aurkezpenerako power ponit bat prestatu dugu (hemen zintzilikatutakoa). Ondo atera dela iruditu zaigu, gu behintzat gustura geratu gara. Bilera honetan, bigarren lanaren gaia zehaztu dugu irakaslearekin. Eskola txikietan IKT-en erabilera zein den aztertuko dugu Berrobiko eskola eredutzat harturik.

2010-05-03

Lehenengo lanak, gure praktiken garaira eraman gaitu berriz ere. Bertan IKT-en inguruan ikusitakoa aztertu behar izan dugu. Gure harridurarako, oso errealitate antzekoak bizi izan ditugu Laskorain Ikastolan (Tolosa) eta Haurtzaro Ikastolan (Oiartzun). Bi toki ezberdin izan arren, antzerako metodologia eta baliabideak erabiltzen dituzte bi ikastoletan. Egun batzuk barru, lanaren aurkezpena egin beharko dugu irakaslearen aurrean.

2010-04-15

Ekin diogu “Haur hezkuntzari aplikaturiko teknologia berriak” gaiari. Ezingo dugunez eskoletara joan, lehenik eta behin irakaslearekin hitz egin behar izan dugu gaia ondo zehazteko. Ez da menderatzen dugun gaia teknologia berriena, beraz, gaiaren nondik norakoak zehaztea beharrezkoa izan da guretzat. Tutoretza bat baino gehiagotara joan behar izan dugu irakaslearengana egin behar duguna argitzeko. Guretzat blog- bat sortzea, adibidez, ez da kontu erraza izan, guztia berria delako guretzat, baina lortu dugu!. Bilera hauetatik behintzat argi atera dugu zein izango diren egin beharreko lanak.

Arbela digitala

Check out this SlideShare Presentation:

Arbela digitala

View more documents from IGARZON002.

ESKOLA TXIKIAK. BERROBIKO ESKOLA

Check out this SlideShare Presentation:

ESKOLA TXIKIAK. BERROBIKO ESKOLA

View more documents from IGARZON002.

Berrobiko eskola

Check out this SlideShare Presentation:

Berrobiko eskola

View more presentations from IGARZON002.

Eskola txikiak

Check out this SlideShare Presentation:

Eskola txikiak

View more presentations from IGARZON002.

BERROBI EREDUGARRI

Geroz eta gehiago dira IKTak barneraturik dituzten eskolak. Horietako bat, Berrobiko eskola, hain zuzen, buru-belarri dabil arlo honetan. Webgunea, pantaila digitala, 2.0 proiektua, bideoa, argazkigintza, maketazioa… hamaika dira eskolako irakasle nahiz ikasleek erabiltzen dituzten baliabideak. Teknologia berriak erabat baitaratu dituzte eta arrotz izatetik bidelagun dituzte eguneroko jardunean. 2 urteko haurretatik hasi eta 12 urte bitarte, ordenagailu gelako erabilpenaz haratago doaz haur eta irakasleek IKTez dituzten ezagutzak. Gainera, egunetik egunera, hobetzeko gogoa eta ikasteko gogoa haziz doaz, IKTeenganako jarrera baikorra nabarmenduz.

Azpimarratzekoa da, beraz, bertako irakasleek egiten ari diren esfortzu ikaragarria. Ezezaguna den zerbait izatetik, erabilpenetan aberasgarri izatera pasatu baitira aipatu baliabideak. Gauza jakina da zer nolako aparteko lan eskerga eransten zaion irakaslearen eguneroko lanari; horregatik da eredugarria Berrobiko eskola, irakasleen arteko komunikazioaz abiatuz, denen artean, gogoz eta irrikaz heldu baitiote gaiari. Formakuntzarako aukera urria izanda ere, autodidaktak bilakatu dira denak, IKTek eskainitako baliabideen onurez oharturik, bidean topaturiko traba eta oztopoak gozamen bilakatu direlarik. Honek guztiak, noski, eragin nabarmena du haurren hezkuntza ibilbidean, horrelako inplikazio mailak IKTenganako ezagutza zabala suposatzen baitu. Gauzak horrela, eredugarria bihurtu da Berrobiko eskola, elkarlanean arituz eta jakin-mina asez bai ikasleak eta baita irakasleak ere IKTen bidean aurrera baitoaz, urratsez urrats, pausuz pausu, datorrenari ateak irekiz.

IKTak eguneroko ogia bihurtzen ari diren honetan eta etorkizunari begira, asko dugu Berrobiko eskolaz ikasteko (eskola txikia izanik). Utz ditzagun atzean ezezagunarekiko beldurrak eta igo gaitezen teknologia berrien trenera gogotsu, helmuga zain daukagu eta.

www.oriapat.net/berrobi

Eskolen arteko konparaketa ikt-ak

Check out this SlideShare Presentation:

Eskolen arteko konparaketa ikt ak bukatua

View more documents from IGARZON002.

ESKOLEN ARTEKO KONPARAKETA (IKT-AK)

Check out this SlideShare Presentation:

ESKOLEN ARTEKO KONPARAKETA (IKT-AK)

View more presentations from IGARZON002.

KAIXO!

Kaixo! Gu Maddi Soroa eta Itsaso Garzon gara eta gure taldeak "Katiuxka Berriak" izena du. Aspaldi ezagutu genuen elkar eta gure bizitzak berriz elkartu dira Haur Hezkuntzako ikasketak direla eta.

Maddi Tolosarra da eta Kazetaritza ikasi zuen; ni berriz, Oreretarra naiz eta Filosofia ikasi nuen.